*بەڕێزان خێزان و کەسوکارى مامۆستا موحسن عەلى ئەکبەر*
*بەڕێزان هاوڕێ و هاوسەنگەرانی کۆچکردوو*
بەداخەوە، شەوی رابردوو هەواڵى ماڵئاوایی تێکۆشەری دێرینی گەلەکەمان و یەکێتی نیشتمانی کوردستان مامۆستا موحسن عەلى ئەکبەرم پێگەیشت، بهم بۆنه خهمناكهوه پرسه و سهرهخۆشیتان ئاڕاسته دهكهم و خۆم به هاوبهشی خهمتانم دهزانم.
مامۆستا موحسن جوامێرێکی سەردەمى شۆڕشی نوێ و رۆژگارى سەختی خەبات، تێکۆشەرێکی بەئەمەک و کەسایەتییەکی نیشتمانپەروەر بوو، یەکێک بوو لەو چەند راگەیاندنکارە ماندوونەناسانەى کەرۆڵى گرنگیان هەبوو لەدەرچواندنی شەرارە و رێبازی نوێ و دواتریش لەئێزگە هەواڵى شۆرش و وتاری گڕاوی بۆ بەرزکردنەوەى وورەى جەماوەر دەنوسی.
مامۆستا موحسن، یاساناس، فەرماندە، پێشمەرگە، راگەیاندنکار، پارلەمانتار، وەزیر و لەحزبیش چەندین ئەرک و بەرپرسیارێتی گرتبووە ئەستۆ لەسلێمانی و شارەزوور و گەرمیان. جێگای بهههشتی بهرین بێت، خوای گەورە سهبوری و دڵنهوایی به ههموو لایهك ببهخشێت.
انا لله وانا الیه راجعون
قوباد تاڵهبانی
جێگری سهرۆكی ئهنجومهنی وهزیران
Copyright © 2020 Kirkuk Tv All Rights Reserved Designed And Developed By AVESTA GROUP