مەحمود مەشهەدانی رایگەیاند: سەرۆك كۆماری عیراق مافی یەكێتیی نیشتمانیی كوردستانەو مافی هیچ حزبێكی تر نیە بەتایبەت پارتی.
لەمیانی بەشداریكردنی لە بەرنامەیەكی تەلەفزیۆنی فورات نیوز، مەحمود مەشهەدانی، سەرۆكی پێشوتری ئەنجومەنی نوێنەرانی عیراق و ئەندامی ئێستای ئەنجومەنی نوێنەرانی عیراق سەبارەت بەپۆستی سەرۆك كۆمار رایگەیاند: سەرۆك كۆماری عیراق مافی یەكێتیی نیشتمانیی كوردستانەو مافی هیچ حزبێكی تر نیە بەتایبەت پارتی، چونكە پۆستی سەرۆكایەتی هەرێم و سەرۆكی حكومەت و جێگری پەرلەمانیان هەیە.
مەشهەدانی راشیگەیاند: سەرۆكی پارتی كێشەی تایبەتی لەگەڵ دكتۆر بەرهەم ساڵح هەیەو كێشمەكێشمی لە سەر دەكات.
وتیشی: پێویستە هەموو هەنگاو بنێن بۆ چارەسەركردنی كێشەكان و گەیشتن بەحكومەتێك كە شایەنی گەلی عیراق بێت.
Copyright © 2020 Kirkuk Tv All Rights Reserved Designed And Developed By AVESTA GROUP