تیاگۆ سێلفا ماڵئاوایی کرد

ئاکۆ بیبانى
یاریزانێکى هێمن و لەسەر خۆ ، جەنگاورێکى پڕ لە ووزەو هێز ، سەربارى ئەوەى تەمەنى 39 ساڵە بەڵام ئێستاش هاوشێوەى یاریزانێکى لاو و پڕ ووزە لە یاریگا دەردەکەوێت و سەرکردایەتى هێڵى بەرگرى دەکات ، ئەو یاریزانەش بێگومان تیاگۆ سیلفاى بەرازیلى و دڵى بەگرى یانەى چێڵسى ئینگلیزییە.
تیاگۆ کاروانێکى دوورو درێژى وەرزشى لە نێو  یاریگاکان بەسەر بردوەو یەکێک بوو لە یاریزانە بەڕەوشتەکان و هەمیشە جێگاى متمانەى راهێنەران بووە ، ژیانى پیشەگەرى سیلڤا دەوڵەمەندەو لە چەندین یانەى گەورەى ئەوروپا و جیهان یارى کردوە ، دواین یانە کە سیلفا یارى بۆکردوە یانەى چێلسى لەندەنیە .
 سیلڤا لە ساڵى 2020 پەیوندى کرد بە ریزەکانى یانە ئینگلیزییەکەوەو  لەو ماوەیەدا چەندین نازناوى گرنگى بەدەستهێناوە.
 گرنگترینیان خولى یانە پاڵەوانەکانى ئەوروپاو جامى جیهانى یانەکان و سوپەرى ئەوروپی بوو ، دواجار و بە شێوەیەکى ڕەسمى ئیدارەى یانەى چیڵسى  رۆشتنى تیاگۆ سیلفاى یاریزانى هێڵى بەرگرى لە ریزەکانى  یانەکە راگەیاند و ئاماژەى بۆ ئەوەکرد لە کۆتایی ئەم وەرزەدا تیاگۆى بەرازیلى ریزەکانى یانەى چێلسى بەجێدەهێلێت .
سەرەتاى دەسپێکردنى کاروانى وەرزشى ساڵى 2022  لە یانەى ئاڕ ئێس فتبۆڵى بەرازیلی بووە ، دواتر لە ریزى یانە گەورەکانى ( میلان و پاریس سانجێرمان و چێلسى ) یارى کردوە.
لەم وەرزەدا تیاگۆ سییلفا بەشدارى لە 26 یاریدا کردوەو توانیوێتى 3 گۆڵ تۆماربکات ،  1824 پێدانى گەیاندوە بە هاوڕێکانى و  سەدا 94 ى پاسەکانى دروست بووە ، 6 هەلى گۆڵکردنى دروستکردوە ، بەدەر لەوەى لە 80 رووبەڕووبونەوەى تەنهایدا سەرکەوتو بووەو رێگرى کردوە لەوەى گۆڵ لە تیمەکەى بکرێت .
تیاگۆ سییلفا لە 20 ساڵى رابردوو بەشێکى گرنگ و هەستیارى سیلیساو بووە لە پاڵەوانێتیە جیهانیەکان ، لە ماوەى یاریکردنى 109 یارى بەدرێسى نیشتیمانى ووڵاتەکەیەوە ئەنجامداوە .

تیاگۆ لە کۆتایدا پەیامێکى کاریگەرى بڵاوکردەوەو نوسێوێتى :
چێلسى بۆمن ماناى زۆرى هەیە ، من بۆ تەنها یەک وەرز هاتمە ئێرە کەچى 4 ساڵم بەڕێکرد ، بەس بۆ من نا بەڵکو بۆ خێزانەکەشم ئێرە گرنگە ، منداڵەکانم لە یانەى چێلسى فێرى تۆپى پێ دەبن هیوادارم بتوانن خزمەت بەو یانەیە بکەن ، خۆشحاڵم کە بەشێک بوومە لە خێزانى چێلسى ، هەموان ئاوات دەخوازن بەشێک بن لەو یانەیە ، لە 4 ساڵى رابردوو هەوڵى زۆرم دا بەڵام چۆن سەرەتا هەیە کۆتایش هەیە ، هیوادارم لە ساڵانى داهاتوو بگەڕێمەوە یانەکەو رۆڵى دیکەم پێ بدرێت .