بۆ لێكۆڵینه‌وه‌ شاندێكی حكومه‌تی عێراق گه‌یشته‌ كۆرمۆر

بۆ لێكۆڵینه‌وه‌ له‌ چۆنییه‌تی هێرشكردنه‌ سه‌ر كیڵگه‌ی غازی كۆرمۆر و دیاریكردنی ئه‌نجامده‌رانی هێرشه‌كه‌، وەفدێکی حکومەتی عێراق گه‌یشتنه‌ كێڵگه‌كه‌.

چاوه‌ڕوانش ده‌كرێت  وه‌فده‌كه‌ لە کۆنفرانسێکی رۆژنامەوانیدا وردەکاری ھێرشەکەو زیانەکانی بخەنەڕوو.

دوێنێ هەینی، سه‌عات 06:45ی ئێوارە، بە دوو درۆن هێرشکرایە سەر کێڵگەی غازی کۆرمۆر لە چەمچەماڵ و لە ئەنجامدا 4 کرێکاری به‌ ره‌گه‌ز یه‌مه‌نی گیانیان لەدەستدا و بەرهەمهێنانی کارەباش دوو هەزار و ٥٠٠ مێگاوات کەمی کردووە، ژمارەیەک لە گەڕەکەکانی سنووری پارێزگای سلێمانی بێ ئاو بوون.