كه‌ركوك.. سه‌ركه‌وتنی هه‌ڵمه‌تێك بۆ چاره‌سه‌ركردنی زیانه‌كانی لافاوه‌كه‌ راگه‌یه‌ندرا

کوردستان
22:36 - 2022-05-07

فه‌رمانگه‌ خزمه‌تگوزارییه‌كانی كه‌ركوك، ته‌واوكردنی هه‌ڵمه‌تێكی پاككردنه‌وه‌و چاككردنه‌وه‌ی زیانه‌كانی لافاوه‌كه‌ی چه‌ندڕۆژی ڕابردووی، له‌سنوری هه‌ردوو ناحییه‌ی له‌یلان و تازه‌ ڕاگه‌یاند .

فه‌رمانگه‌ی ئاوی كه‌ركوك، له‌ڕاگه‌یه‌ندراوێكدا ئاماژه‌ی بۆ ئه‌وه‌كرد، هه‌ریه‌ك له‌فه‌رمانگه‌كانی ئاوو ئاوه‌رۆو، شاره‌وانییه‌كان و كشتوكاڵ و به‌شه‌كانیان له‌پارێزگاكه‌، هه‌موو توانای خۆیان خستوه‌ته‌گه‌ر، بۆ پاككردنه‌وه‌و چاره‌سه‌ركردنی ئه‌وكێشانه‌ی، كه‌لافاوه‌كه‌ی چه‌ندڕۆژی ڕابردوو، له‌سنوری ڕۆژهه‌ڵات و باشوری كه‌ركوك دروستیكردبوو . 

ڕوونشیكردوه‌ته‌وه‌، له‌وهه‌ڵمه‌ته‌دا، فه‌رمانگه‌ خزمه‌تگوزارییه‌كانی كه‌ركوك، له‌ڕێگه‌ی ئامێره‌كانیانه‌وه‌، كاریانكردووه‌ له‌سه‌ر ڕاكێشانه‌وه‌ی ئاوی باراناو له‌نێو ماڵ و شه‌قامه‌كان و، كێڵگه‌و باخه‌كانی جوتیاران. 

هه‌روه‌ك فه‌رمانگه‌ی شاره‌وانییه‌كانیش، هه‌ڵساوه‌ به‌پاككردنه‌وه‌ی پاشماوه‌ی لافاوه‌كه‌و، كردنه‌وه‌ی ڕێگه‌كانی گه‌یشتن به‌گونده‌كانی سنوره‌كه‌ .

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP