فەرمانگەیەکی حکومی عیراق مامەڵەکردنی بە پارەی کاش راگرت

بەڕێوەبەرایەتیی باری شارستانیی و پاسپۆڕت و نشینگەی سەر بەوەزارەتی ناوخۆی عێراق رايگەیاند: پارەدانی کاش بەهەموو جۆرێک کۆتاییـهاتووەو، لەمەودوا بەشێوەی ئەلیکترۆنی دەبێت.
ئاماژەى بەوەشکرد: بڕیارەکە لەوەزیری ناوخۆوە دەرچووەو ئەوانیش جێبەجێیانـکردووە بەهەموو شێوەیەکیش بۆ پارەدان لەناو فەرمانگەکان چی تر پارەی کاش کاری پێناکرێت و تەنها لەرێگەی سیستەمی (پی ئۆ ئێس)ەوە دەبێت.
بڕیارەکە لەرۆژی یەکی ئایارەوە دەچێتە بواری جێبەجێکردنەوەو بەشەکانی بەڕێوەبەرایەتییەکە بەتەواوی ئامادەکراون و هیچ کێشەیەک نەماوە لەبەردەم پرۆسەکەدا.
جەختیشکراوەتەوە: ئەم هەنگاوە بۆ گەشەپێدان و ئاسانکاریکردنی رێکارەکانە بۆ هاوڵاتییان.