کۆمسیۆن وادەی تیروپشکی بۆ کارمەندانی سەر سندوقی دەنگدان راگەیاند

کۆمسیۆنی باڵای سەربەخۆی هەڵبژاردنەکان بڵاویکردەوە، 11 ی ئەم مانگە تیروپشک بۆ ناوی ئەو کەسانە دەکرێت کە بۆ کارمەندی سەر سندوقی دەنگدان ناویان تۆمارکردووە.
جومانە غەلای وتەبێژی کۆمسیۆنی باڵای سەربەخۆی هەڵبژاردنەکان راگەیاند: ئەنجومەنی کۆمسیارانی کۆمسیۆنی هەڵبژاردنەکان بڕیاریداوە 11 ی ئاب لە ئۆفیسی هەولێر تیروپشک بۆ ناوی ئەو کەسانە بکرێت کە بۆ کارمەندی سەر سندوقەکانی دەنگدان بۆ رۆژی هەڵبژاردنی پەرلەمانی کوردستان ناوی خۆیان تۆمارکردووە.
بڕیارە لە 20 ی تشرینی یەکەمی ئەمساڵ هەڵبژاردنی پەرلەمانی کوردستان بەڕێوەبچێت، بۆ بەڕێوەچوونی پرۆسەکەش کۆمسیۆن پێویستی بە 43 هەزار کارمەند هەیە.