وەزارەتی پێشمەرگە: سبه‌ی دەست بەدابەشکردنی هاوکاری هێزه‌كانی هاوپه‌یمانی نێوده‌وڵه‌تی ده‌كرێت

وەزارەتی پێشمەرگە رایدەگەیەنێت، سبه‌ی دەست بەدابەشکردنی هاوکاری هێزه‌كانی هاوپه‌یمانی نێوده‌وڵه‌تی بۆ مانگی حه‌وتی ئه‌مساڵ ده‌كرێت و له‌مه‌ودوا ئه‌و پاره‌یه‌ وه‌ك موچه‌ دابه‌شناكرێت.

وەزارەتی پێشمەرگەی حكومه‌تی هه‌رێمی كوردستان له‌ راگه‌یه‌ندراوەكەدا دەڵێت، لەچوارچێوەی ئەو پشتیوانیە داراییەی کە لەلایەن هێزەکانی هاوپەیمانان بۆ هێزی پێشمەرگە دابین دەکرێت سبه‌ی پێنجشەممە دەست بەدابەشکردنی هاوکاری مانگی  ته‌مموز دەکرێت.

ئاماژه‌ی به‌وه‌شكردوه‌، ئەو بڕە پارەیە، لێرە بەدواوە وەک هاوکاری دەدرێت بە هێزی پێشمەرگە و هیچ پەیوەندیەکی بە موچەوە نییە.