ئاگر لە چەند دوکانێکی نزیک قەیسەری هەولێر کەوتەوە

بەرەبەیانی ئەمڕۆ ئاگر لە چەند دووکانێکی نزیک قەیسەری هەولێر کەوتەوە و تیمەکانی بەرگری شارستانی توانیویانە ئاگرەکە کۆنترۆڵ بکەن بەڵام هۆکاری ئاگرەکە نەزانراوە، بەڵام بەهۆی ئەوەی دوکانەکان شوێنی چاککردنەوەی ئامێرە کارەباییەکانن گومان دەکرێت بەهۆی شۆرتی کارەباوە ئاگرەکە کەوتبێتەوە.
کاسبکارانی بازاڕەکەش دەڵێن دووکانەکانمان هەمووی سوتاوە و زیانێکی زۆری ماددیمان پێگەیشووە. دەشڵێن، ئەو هۆتێلەی لە قاتی سەرەوەی دوکانەکان دروست کراوە هیچ مەرجێکی سەلامەتی تێدا نییە و هۆکاری ئاگرەکەیە.