گوندەکانی چەمیاڵەو قزڵجە پشتیوانیی بۆ لیستی 129 دووپاتدەکەنەوە

ئەمڕۆ سێشەممە 1ی تەشرینی یەکەم، شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان، لە بارەگای ئەنجومەن، پێشوازیکرد لە ژمارەیەک لەخـزمانی گوندەکانی چەمیاڵەو قزڵجەی سنووری پێنجوێن و شارباژێڕ کە پێکهاتبوون لە حامید رەشید ئاغا و عومەر رەشید ئاغا و حاجی تۆفیق ئاغا و هێمن حامید ئاغا و دڵشاد عەبدوڵا ئاغاو کامیار بکر ئاغا.

لەدیدارێکدا کە جوتیار نوری ئامادەیبو، شێخ جەعفەر شێخ مستەفا تیشکی خستەسەر خەبات و فیداکاریی خەڵکی هەردوو گوندی چەمیاڵەو قزڵجە کە قوربانی زۆریان پێشکەش بە خاک و نیشتمان کردووە و مەینەتی و ناڕەحەتی زۆریان چەشتووە.

هەڤاڵ لێپرسراوی ئەنجومەن، بەئامادەبووانی راگەیاند: هەمیشە یەکێتی شانازی بە جوامێری ئێوەو بنەماڵەکانتان و خەڵکی ناوچەکەتانەوە دەکات و لەئێستا و ئایندەشدا پشتوپەناتان دەبێت.

لەبەرانبەردا، خزمانی چەمیاڵە و قزڵجە سوپاسی هەڵوێستی جوامێرانەو برایانەی هەڤاڵ شێخ جەعفەر شێخ مستەفا و سەرۆک و سەرکردایەتی یەکێتی-یان کردو پشتیوانی تەواوی خۆیان بۆ لیستی سەوزی ژمارە 129 و سیاسەتی راست و رەوان و نیشتمانیانەی یەکێتیی نیشتمانی کوردستان دووپاتکردەوە.