دەرباز کۆسرەت رەسوڵ: کەس گرەو لەسەر لاوازبوونی یەکێتی نەکات

دەرباز کۆسرەت رەسوڵ رایدەگەیەنێت: "کەس بە رکابەری خۆمان نازانین و کەسیش بە دوژمنی خۆمان نازانین، بەڵام ئەگەر هێڵی سوورمان ببەزێنن دەکەونە بەر گەردەلولی سەوزی جەماوەری یەکێتی".

دەرباز کۆسرەت رەسوڵ سەرپەرشتیاری بازنەی هەولێری لیستی ١٢٩ـی یەکێتیی نیشتمانیی کوردستان لە پەیامێکدا رایگەیاند: "داوادەکەم هیچ کەسێک گرەو لەسەر لاوازبوونی یەکێتی نەکات، چونکە وەک یەکێتی هیچ کەس و لایەنێک بە رکابەری خۆمان نازانین، هاوکات هیچ کەسێک بە دوژمنی خۆمان نازانین".

لە پەیامەکە کە ئەمڕۆ سێشەممە ١ـی ١٠ـی ٢٠٢٤ رایگەیاندووە دەلێت: "کاتێک هێڵی سووری ئێمە دەبەزێنن و دەست بۆ مێژوو و شانازییەکانی ئێمە دەبەن، ئەوە پێیان رادەگەیەنم کە بە دڵنیاییەوە دەکەونە بەر گەردەلولی سەوزی جەماوەری یەکێتی".