وەفدێکی یەکێتیی نیشتمانیی کوردستان بۆ بەدواداچونی جێبەجێکردنی بڕیاری دادگای فیدراڵی لەبارەی تەوتینی مووچەخۆرانی هەرێم لەگەڵ پارێزگاری بانکی ناوەندی عیراق کۆبوونەوە.
کاروان یاروەیس بڕیاردەری فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق رایگەیاند: لەگەڵ د.خالد شوانی وەزیری دادی عێراق و د. نەرمین مەعروف ئەندامی لیژنەی دارایی پەرلەمان ئەمڕۆ لەگەڵ عەلی عەلاق پارێزگاری بانکی ناوەندی عێراق کۆبووینەوە و بەدواداچوون بۆ جێبەجێکردنی بڕیاری دادگای فیدراڵی لەبارەی تەوتینی مووچەی هەرێم تەوەری سەرەکی کۆبونەوەکە بوو".
وتیشی: نوسراوی فراکسیۆنی یەکێتی و یاداشت و ئیمزای چوار فراکسیۆنی کوردستانی و (١٣٨) پەرلەمانتار و سەرۆکی فراکسیۆنی عێراقی درایە پارێزگاری بانکی ناوەندی، کە پشتیوانی داوای مووچەخۆرانی هەرێمی کوردستان دەکەن بۆ جێبەجێکردنی بڕیاری دادگای باڵای فیدرالی بۆ تەوتین لەرێگای بانکە فیدرالیە حکومیەکانەوە.
هاوکات هەر ئەمڕۆ وەفدێکی یەکێتی بۆ هەمان مەبەست محەمەد شیاع سودانی سەرۆک وەزیرانی عیراق کۆبوونەوە.
Copyright © 2020 Kirkuk Tv All Rights Reserved Designed And Developed By AVESTA GROUP