دادگا یه‌كلاكردنه‌وه‌ی سكاڵاكه‌ی پارتی و عەرەب و تورکمانی دژ به‌ ئیداره‌ی کەرکوک دواخست

ئەمڕۆ 24/11 دادگای قەزای ئیداریی" بۆ یەکلاکردنەوەی سکاڵای لایەنە ناڕازییەکانی عەرەب و تورکمان و پارتی سەبارەت بە ئیدارەی ئێستای کەرکوک بەڕێوەچوو، بەڵام بەبێ بڕیاردان کۆبوونەوەکە دواخرا.

لەئێستادا کورد و عەرەب و تورکمان و کریستیان بەشدارن لە بەڕێوەبردنی ئەنجومەنی پارێزگای کەرکوک.

 پارتی و بەشێک لە لایەنەکانی تورکمان و عەرەب، سکاڵایان تۆمارکرد لە لەسەر دانیشتنەکەی ئوتێل رەشیدی بەغدا بۆ پێکهێنانی ئیدارەی خۆجێیی و هەڵبژاردنی پارێزگار و سەرۆکی ئەنجومەنەکە.

 بۆ یەکلاییکردنەوەی سکاڵاکانیان کە لایەنی ناڕازین، دژ بەپێکهێنانی ئیدارەی نوێی کەرکوک و کۆبوونەوەکەی ئۆتێل ڕەشید،  ئەمڕۆ دادگای قەزای ئیداری بۆ یەکلاییکردنەوەی سکاڵاکانیان کۆبووەوە، بەڵام بەبێ بڕیاردان کۆبوونەوەکە دواخرا.