ئەنجومەنی باڵای دادوەری: پرۆسەی هاوسەرگیری لە عیراق بەراورد بە پرۆسەی جیابونەوە پێنج هێندەیە

ئاماری پرۆسەکانی هاوسەرگیری و جیابونەوە بۆ مانگی دوو لە عیراق رادەگەیەنرێت و بەپێی ئامارەکە پرۆسەی هاوسەرگیری 31 هەزار و 411 کەیسە و پرۆسەی جیابونەوەش 6 هەزار و 392 کەیسە.
ئەنجومەنی باڵای دادوەری رایدەگەیەنێت، کە رێژەی پرۆسەی هاوسەرگیری و جیابونەوە لە عیراق بەپێی ئامارێک لە مانگی 2ی ساڵی 2025رێژەی هاوسەرگیری 31 هەزار و 411 پرۆسە بووە، رێژەی جیابونەوەش 6 هەزار و 392 کەیس بووە و لەو رێژانەش کە هاتووە زۆرترین پرۆسەی هاوسەرگیری لە بەغدا_رەسافە بوە، کە 5 هەزار و 24 پرۆسە بووە، کەمترینیش لە پارێزگای موسەنا بووە، کە 767 پرۆسەیە.

هەروەها زۆرترین رێژەی جیابونەوە لە بەغدا_کەرخ بووە کە رێژەکەی هەزار و 231 کەیسە و کەمترینیش لە پارێزگای موسەنایە کە 122 کەیسە و بەپێی ئەم ئامارانە پرۆسەی هاوسەرگیری لە عیراق بەراورد بە پرۆسەی جیابونەوە پێنج هێندەیە، کەئەمەش تەنها لە مانگێکدا بەراورد کراوە، بەڵام ئەم ئامارانە پارێزگاکانی هەرێمی کوردستانی تێدا نییە و تەنها پارێزگاکانی عیراق دەگرێتەوە.