پەکەکە ئەنجامی کۆنگرەی 12ی بڵاوکردەوە

ئاژانسی فورات نیوزی سەر بە پەکەکە، ئەنجامی کۆنگرەی 12ـەمینی بۆ ڕای گشتی بڵاوکردەوە دەڵێت خەبات بەناوی پەکەکەوە کۆتایی هات.
پەکەکە ئەنجامی کۆنگرەی 12ی بڵاوکردەوە و لە ئەنجامی کۆنگرەکەدا بە ڕەسمی هەڵوەشاندنەوەی پێکهاتەی رێکخراوەیی و کۆتاییهێنانی بە خەباتی چەکداریی راگەیاند.
پەکەکە راشیگەیاندووە، هەموو جۆرە چالاکییەک بەناوی پەکەکەوە کۆتایی پێدەهێنرێت.
لە راگەیاندراوەکەدا ئەوەش هاتووە، بەهۆکاری ئەمنیی کۆنگرەی نائاسایی 12ی پەکەکە، لە رۆژانی 5 و 7 ی ئایاردا لە دوو شوێنی جیاواز لە هەرێمەکانی پاراستنی میدیا بەڕێوەچوو و 232 کەس بەشدارییان لە کۆنگرەکەدا کردووە.