دەوامی زانكۆكانی سلێمانی و هەڵەبجەو گەرمیان بۆ ماوەی چوار رۆژ ڕادەگیرێت

دوای ئەوەی لە چەند رۆژی رابردوودا خۆپیشاندانی خوێندكارانی زانكۆ و پەیمانگاكانی هەرێمی كوردستان لە شارەكانی سلێمانی و هەولێر ئەنجامدرا بە مەبەستی دابین كردن و پێدانی دەرماڵەكانیان، سەرئەنجام گرژی و ئاڵۆزی لێكەوتەوە .

لە ئێستادا و پاش وەرگرتنی رەزامەندی ئەنجوومەنی زانكۆكان و گفتوگۆكردن لەگەڵ وەزیری خوێندنی باڵا و توێژنەوەی زانستی هەریەكە لە زانكۆكانی سلێمانی و پۆله‌تەكنیكی سلێمانی و هەڵەبجە و گەرمیان بۆ ماوەی چوار رۆژ دەوامی خوێندن ڕادەگرن .

هاوكات ڕاگرتنی دەوامی  خوێندكاران بە مەبەستی هەوڵی چارەسەركردنی كێشەی خوێندكاران و دابینكردنی پێداویستیە هەنوكەییەكانی بەشە ناوخۆییەكانە .