سامپڵی خوێن له‌ كه‌سوكاری بێ‌ سه‌روشوێنبوانی یه‌خته‌كه‌ی یۆنان وه‌رده‌گیرێت

بەهەوڵی سەرۆکی پەرلەمانی کوردستان، پشکنینی DNA بۆ بێ سەروشوێنبوان و کەسوکاری قوربانیانی یەختی 21-12 یۆنان دەکرێت.

لەو بارەیەوە ئاری جەلال سەرۆکی دەزگای لوتکە بۆ کاروباری ئاوارە و پەنابەران لە کۆنگرەیەکی رۆژنامەوانیدا رایگەیاند: بەهەوڵی سەرۆکی پەرلەمانی کوردستان، پشکنینی DNA بۆ بێ سەروشوێن بوان  و کەسوکاری قوربانیانی یەختی 21-12 یۆنان دەکرێت.

وتیشی: ئێمە بۆ ئەو کۆچبەرانەی تەرمیان هەبێت و نەناسرێنەوە پشت دەبەستین بە DNA پرۆفایل کەلەسەر ئاستی وڵاتانی ئەوروپاش بەهەمان شێوە کاردەکرێت و لەئەنجامی ئەو پشکنینە دەتوانین کەسوکاری بێسەروشوێنبوەکان بدۆزینەوە.

وتیشیان: هەر تەرمێک ئەدۆزرێتەوە ماوەی دوو هەفتەی هەیە پێش بەخاک سپاردنی تا کەسوکاری بدۆزرێتەوە دواتر کە بەخاک سپێردرا ناتوانرێت هەتا ٢ ساڵ دەربهێنرێنەوەو بۆیە پێویستە لەماوەی دوو رۆژدا DNA کەسوکاریان وەربگیرێت و بگات بەدەستمان.