کەرکوک بەرمیلە باروودەکەی جاران نیە!

ئیدارەی ئێستای کەرکوک ،ئیدارەی هاوبەشی سەرجەم نەتەوەکانی کەرکوکە ،ئیدارەی کورد وعەرەب وتورکمان و مەسیحییەکانە ،ئیدارەی هاوڵاتیانی ڕەسەنی ئەمشارەیە.
ئەم ئیدارەیە لەسەربنەمای خزمەتکردنی هاوڵاتیان بوونیاد نراوە  ، بناغەی ئیدارەکە لەسەر کاغەزێکی سپی ولاپەڕەیەکی نوێ ی پڕ لەمتمانەی نێوان هەمووپێکهاتەکان داڕێژراوە .
لەچوارچێوەی کاری هاوبەش ، لەچوارچێوەی خزمەتی هەموان ، لەچوارچێوەی بەرەو پێشبردنی شاری کەرکوک ئاساییە کێشە وگیروگرفت بێتە پێشەوە ،زۆر نۆرماڵیشە ئەم هاوپەیمانێتیەی کە ئیدارەی هاوبەشی کەرکوکی پێدرووستکرا لەبابەت گەلێک هاوڕاو هاوبیر نەبن بەڵام بیرتان نەچێت سەرکردایەتی ئەم هاوپەیمانێتیە سەرکردایەتیەکی ژیر و بەتوانان سوودیان لە ڕابردوو وەرگرتووە و کەم وکوڕییەکانی ڕابردووشیان لەپێش چاوەو کردوویانە بەوانەیەک بۆ داهاتوو لەبەرئەوەی هاوڵاتیانی کەرکوک پێکەوەژیانیان هەڵبژاردووە تێگەیشتوون جگە لەمامەڵە کردن لەگەڵ یەکتر هیچ ڕێگایەکی دیکەیان لەبەردەم نیە ، دانیشتوانی کەرکوک لە ناویەک کەشتیدان کاپتن و ئەندامانی کەشتیەکەش بەهێمنی شەپۆلەکان دەبڕن و دەیانگەیەننە کەناری ئارام هەربۆیە  هەموان لەسەریەک مێز کۆدەبنەوە بابەتە سەرەکیەکەشیان خزمەتکردن وئاوادانکردنەوەی شاری کەرکوکە ، ئەمڕۆ پارێزگاری کەرکوک و سەرۆکی ئەنجوومەن بەهەموانیان ڕاگەیاند لە کاری ڕۆژانەدا کێشە دەبێت بەڵام ئێمە یەکین و پێکەوە بەرپرسیارێتی ئاوەدانکردنەوەی شارمان گرتۆتە ئەستۆ بەجۆرێک چیتر کەرکوک بەرمیلە باروودەکە نیە بەڵکو چەپکە گوڵی پێکەوەژیانە .
ئەمڕۆ ڕێبوار تەهای پارێزگار بەیەک وێنە بەنایارانی ووت ئاگادارم دەتانەوێت لەبچووکترین هەلدا گەورەترین کێشە بنێنەوە بەڵام بیرتان نەچێت منیش خوێندکاری قووتابخانەکەی مام جەلالم لەناو هەرکێشەیەکدا دەیان چارەسەر و ڕێگای ئاشتی وپێکەوە ژیان دەدەدۆزمەوە .