حكومەتی هەرێمی كوردستان: هاوبەشی بۆ هەموان

گۆڕەپانی سیاسی لە هەرێمی كوردستانی عێراق چەندین خولی دانوستان لە نێوان دوو حزبی سەرەكی،  یەكێتی پارتی، بە مەبەستی پێكهێنانی حكومەتی نوێ دەبینێت. لەم دانوستانانەدا جیاوازی بنەڕەتی لە دیدگا و ئامانجەكان دەردەكەوێت، بۆيه‌ دیالۆگی سیاسی هەنگاوێكی سەرەكیه‌  بۆ دامه‌زراندنی ئیدارەیەكی سەقامگیر كە خزمەتی هاوڵاتیان بە هەموو پێكهاتەكانیانەوە بكات..
وا دیارە دانوستانەكان  بەپێی قۆناغ به‌ قۆناغ  به‌ڕێوه‌ ده‌چن واتە تەواوكردنی دۆسیەیەك و گواستنەوە بۆ دۆسیەیەكی تر بەبێ كردنەوەی دۆسیەی نوێ تا یەكلاكردنەوەی دۆسێی سه‌ره‌تا . پارتی دیموكرات پێی وایە دەبێت دەستی باڵا لە حكومەتی داهاتوودا هەبێت  ئه‌ويش تەنها بە پشتبەستن بە ئەنجامی هەڵبژاردن، بە جۆرێك زۆربەی وەزارەتەكان بەدەست بهێنێت..
لە بەرامبەردا، یەكێتی نیشتیمانی جەخت لەسەر پێویستی دامەزراندنی هاوبەشییەكی (شه‌راكه‌تی) ڕاستەقینە دەكاتەوە كە  له‌ ده‌ره‌وه‌ی مه‌سه‌له‌ی دابەشكردنی پۆستەكانه‌، چونكە مەسەلەی كورسییەكان تەنها ئامرازێكە بۆ خزمەتكردنی هاوڵاتیان؛ يه‌كێتی لە گۆڕەپانی كوردستانی و عێراقی خاوەنی نفوزێكی بەرفراوانە بە ئەندازەی نفوزی پارتی یان ڕەنگە زیاتر و ژمارەی كورسییەكان ئه‌و كاريگه‌رييه‌ی  نابێت ، ئەمەش ڕۆڵی سەرەكی لە پرۆسەی سیاسی دەسەلمێنێت و دڵنیایی دەدات كە حكومەت بەبێ بەشداری يه‌كێتی  وەك كاره‌كته‌رێكی سەرەكی پێك نایەت..
هەروەها یەكێتی نیشتیمانی داوای شێوازێكی حكومه‌ت دەكات كە هەموو لایەنە سیاسی و پێكهاتە ئایینی و نەتەوەییەكان لەخۆ بگرێت، لەسەر بنەمای دیالۆگ و لێكتێگەیشتنی هاوبەش دامەزرابێت، بە جۆرێك هاوبەشی (شه‌راكه‌ت) تەنها لە دابەشكردنی وەزارەتەكان سنووردار نەبێت، بەڵكو درێژ ببێتەوە بۆ داڕشتنی بۆچوونێكی سیاسی و كارگێڕی درێژخایەن كە توانای هەرێم بۆ ڕووبەڕووبوونەوەی ئاستەنگە ئابووری و كۆمەڵایەتی و ئەمنییەكانی بەهێز بكات.
لەهه‌مان كات دا  يه‌كێتی گرنگی  به‌ باشتركردنی پەیوەندی لەگەڵ حكومەتی فیدراڵ لە بەغدا ده‌دات ، كە پێی وایە بەهێزكردنی ئەم پەیوەندییە كلیلی بەدیهێنانی گەشەپێدان و سەقامگیرییە؛ دیالۆگێكی بنیاتنەر لەگەڵ بەغدا دابەشكردنێكی دادپەروەرانەی سەرچاوە دارایی و وەبەرهێنانی ئابووری به‌ ده‌ست ده‌هێنێت ، كە ئەمەش ڕەنگدەداتەوە  ئه‌رێنی لەسەر ژیانی هاوڵاتی ده‌بێت ، هەروەها هەنگاوێكی ستراتیژییە بۆ تێپەڕاندنی ناكۆكییە مێژووییەكان و گۆڕینیان بۆ هاوكارییەك كە دەستەبەری بەدیهێنانی بەرژەوەندی هاوبەش بكات كە سوود بە هەردوو لا بگەیەنێت..