یەکێتی بەرەو دیدار
پلان و ستراتیژی نوێ دادەڕێژێت
ئاریا عوسمان
یەکێتیی بەرەو دیداری دووەمین کۆنفڕانسی خۆی ئەنجام دەدات
(رۆژی شەممە 2025-2-15) دووهەمین دیداری یەكتیی نیشتمانیی كوردستان، بەسەرپەرشتی قوباد تاڵەبانی لێپرسراوی سكرتارییەتی سەرۆك مام جەلال و بەدرووشمی"بەدیدگایەكی نوێ؛ بەهێزی و بەرەوپشچوون و خزمەتگوزاری" لەپارێزگای موسڵەوە دەستیپكرد.
دواتر له دهۆك ئەنجامدرا، و كۆنفرانسی سێهەمیش لە کۆیە، و (ڕۆژی پێنجشەممە 2025/2/27) کۆنفراسی دیداری یەکتیی لە هەولێر ئەنجامدرا.
دیداری یەکێتیی شێوازێکی مۆدێرنە بۆ خۆڕێکخستنەوە لە دوای کۆنگرەوە، ئەم دیدارە بە وێستگەیەکی گرنگ دادەنرێت.
هەڤاڵانی یەکێتیی بەشداری لە کۆنفڕانسەکەدا دەکەن و بەڕێوەچوونی دیدارەکە بە دوو قۆناغ دەبێت.
سەرەتا تەواوی (بازنە و مەڵبەند و ئۆرگانەکانی یەکێتیی) لە ناوچەکانی خۆیان کۆنفراس بۆ دیدار ڕێکدەخەن، کە سەرجەم هەڤاڵانی ئەو شوێنانەش بەشدار دەبن لە داڕشتن و نوسینەوەی ڕاسپاردەکانیان، ئەمەش دەبێتە هۆی بەشداربوونی بەشێکی زۆری هەڤاڵانی یەکێتیی لە داڕشتنەوەی بەرنامە و ستراتیژی یەکێتیی.
قۆناغی دووەم تەواوی ڕاسپاردەکان بە شێوازێکی رێکخراو لە تەواوی دەڤەرەکانی کوردستانەوە بەشێک لە هەڤاڵانی یەکێتیی لە هەر ناوچەیەك ئامادە دەبن لە دیداری گشتی یەکێتییدا، کە پێکەوە میکانیزمی گونجاوی سەردەمیانە دادەڕێژن بۆ ڕێکخستنەوەی پەیکەری حزب و داڕشتنەوەی سیاسەتی یەکێتیی لە سەرجەم بوارەکانی حزبایەتی و حوکمڕانی و ڕێکخراوەیدا.
دیداری یەکێتی کارێکی سەردەمیانەی مۆدێرنە، کە تیایدا گشت ئاست و پلە باڵا و مامناوەند و ئۆرگانەکان ئەرکدار دەکات بۆ راپەڕاندنی ئەرکی سیاسی ئەم قۆناغە مێژووییەی یەکێتی کە لە دیداری یەکەمەوە بەچەند قۆناغێکی سەرکەوتوودا تێپەڕبووە، وەک گرنگترین قۆناغەکانی (هەڵبژاردنی ناوچەدابڕاوەکان و بردنەوەی کەرکوک و سەرکەوتنی هەڵبژاردنی پەرلەمانی کوردستان بۆ خولی شەشەم) .
دیداری یەکێتی بەو دروشمانەیدا دەردەکەوێت یەکێتی خۆی سازدەداتەوە بۆ ئەرکەکانی داهاتووی نزیکی کە نیازوایە سەرکەوتنی گەورە لە جێبەجێکردنی بەڵێنەکانی دواین هەڵبژاردنەوە بەرەو هەڵبژاردنی پەرلەمانی عیراق خۆی ئامادە بکات کە وا بڕیارە لە کۆتایی ئەمساڵدا ئەنجام بدرێت.
یەکێتی لە کەرکوک و ناوچە دابڕاوەکان سەرکەوتنی بەدەست هێنا، لەهەڵبژاردنی خولی شەشەمی پەرلەمانی کوردستان سەرکەوتوو بوو، بەو گوڕوتینەو بەرەو هەڵبژاردنی پەرلەمانی عیراق خۆی ساز دەدات.
Copyright © 2020 Kirkuk Tv All Rights Reserved Designed And Developed By AVESTA GROUP