کەرکوک و دیدار؛ یەکێتی وپێکەوە ژیان

خەباتی یەکێتی نیشتیمانی کوردستان لە کەرکوک بە بەشێکی گرنگی مێژووی شارەکە دادەنرێت، بەو پێیەی ئەم حیزبە ڕۆڵێکی گەورەی هەبووە لە داکۆکیکردن لە مافەکانی کورد و بەشداریکردن لە بەرەوپێشبردنی پێکەوەژیانی ئاشتیانەی نێوان پێکهاتە جیاوازە نەتەوەیی و ئایینییەکان لە ناوچەکەدا.

1. کەلەپوری خەباتی یەکێتی لە کەرکوک:

یەکێتی هەر لە دامەزاندنیەوە وەک بزووتنەوەیەکی شۆڕشگێری سیاسی وچەکداری بە ئامانجی گەیشتن بە مافەکانی کورد لە عێراق ڕۆڵێکی دیار و بەرچاو وسەرەکی هەبوو لە داکۆکیکردن لە خاکی کوردستان و مافەکانی گەلی کورد لە کوردستانی ئێراق بە کەرکوکیشەوە کە ستراتیژی یەکێیی وایە کەرکوک وهەموو شوێنە تەعریب کراو ودابڕێنراوەکان بەشێکن لەکوردستان، نە جیا دەکرێنەوە و نە دەستبەردارشیان دەبێت.

 لە قۆناغەکانی گرژی ئالۆزی و ململانێ سیاسییەکانی عێراقدا، یەکێتی هەمیشە هەوڵی داوە بۆ پاڵپشتی بەرژەوەندییەکانی کورد لە کەرکوک و دەستەبەرکردنی نوێنەرایەتیکردنیان لە دامودەزگاکانی دەوڵەتدا دەدا.

٢. ڕۆڵی یەکێتی نیشتیمانی کوردستان لە پێشخستنی پێکەوەژیانی ئاشتیانە لە کەرکوک:

 ڕۆڵی یەکێتی لە کەرکوکدا تەنها لە داواکردنی مافەکانی کورددا سنوردار نەبوە، بەڵکو داکۆکیکارێکی سەرسەختی پێکەوەژیانی ئاشتیانەی نێوان پێکهاتە نەتەوەیی و ئایینی ئاینزا جیاوازەکانی شارەکە بووە، کە لە دروست بوونی دەوڵەتی ئێراق و لە سەرەتای شەستەکانی سەدەی ڕابردوو بەتایبەتی زۆر بەسەختی کار لەسەر دروستکردنی ئاژاوە لە نێوانیان و سڕینەوەی گەلی کورد کراوە.

 یەکێتی لە خەباتی خۆیدا پشتی بە دیالۆگ و هاوکاری لەگەڵ پێکهاتەکانی دیکە بەستبوو، بەو پێیەی هەوڵی دۆزینەوەی چارەسەری سازان دەدا لەپێناو ڕێزگرتنی یەکتری ودابینکردنی مافی رەوای پێکهاتە جیاوازەکانی شارەکە، لە هەمان کاتدا مافەکانی گەلی کوردش لە چوارچێوەی دەوڵەتی عێراقدا زامن بکرێت.

 یەکێتی نیشتمانی کوردستان لە ڕێگەی خەباتی خۆیەوە هەوڵیدا بەرەنگاری ئەو سیاسەتانە ببێتەوە کە ئامانجیان گۆڕینی پێکهاتەی دیمۆگرافیای کەرکوک بووە، بەتایبەتی لە ڕێگەی سیاسەتەکانی ئاوارەکردنی گەلی کورد و گۆڕانی دیمۆگرافی کە سیاسەتی شۆڤێنی نەتەوەیی ومەزهەبگەرایی لە قۆناغە جیاوازەکانی دەسەڵاتداریان پەیڕەویان دەکرد.

 یەکێتی لە مێژووی خەباتی خۆیدا ڕۆڵی سەرەکی هەبوە لە ڕووبەڕووبوونەوەی ئەو سیاسەتانە و پشتیوانیکردن لە مافەکانی گەلی کوردمان لە ناوچەکە.

٣. ️ڕۆڵی یەکێتی نیشتیمانی کوردستان لە داهاتوودا:

 لەگەڵ پەرەسەندنی دۆخی سیاسی عێراق لە دوای ساڵی ٢٠٠٣، یەکێتی نیشتمانی کوردستان بوو بە یاریزانێکی سەرەکی لە هاوسەنگییە سیاسییەکانی کەرکوکدا. لە داهاتووشدا یەکێتی دەتوانێت بەشداری بکات لە بەرەوپێشبردنی پێکەوەژیانی ئاشتیانە بەم شێوەیە:

▪️داوای یەکلاییکردنەوەی سیاسی هەمەلایەنە:

 لەڕێگەی دانوستان لەگەڵ پێکهاتەکانی تر بۆ گەیشتن بە چارەسەرێک کە دابەشکردنی دادپەروەرانەی دەسەڵات و سەرچاوەکانی کەرکوک مسۆگەر بکات.

▪️گرنگیدان بە دروستکردنی متمانە لە نێوان پێکهاتە جیاوازەکاندا:

لە ڕێگەی بەرنامەکانی گەشەپێدانی بەردەوامی نێوان پێکهاتەکان.

 ▪️برەودان بە ڕۆشنبیری هاوبەش و پێکەوەژیان:

ئەویش بە پێشخستنی دەستپێشخەری ڕۆشنبیری و پەروەردەیی کە بەرەوپێشبردن و لێبوردەیی و ڕێزگرتنی یەکتر لەنێوان هەموو دانیشتوانی کەرکوک مسۆگەر بکات.

 خەباتی یەکێتی نیشتمانپەروەری کوردستان لە کەرکوک چ لە ڕابردوو ئێستا و داهاتووش بەشێکی سەرەکی وجەوهەری مێژووی ناوچەکە بووە و دەبێت.

بەو پێیەی یەکێتی شاهێزی بەدیهێنەر و پارێزەری مافەکانی گەلی کورد و داهێنەر و برەودان بە پێکەوەژیانی ئاشتیانەی ن نێوان پێکهاتە جیاجیاکانە لەکەرکوک و دەوروبەری. لەگەڵ بەردەوامی تەحەددا و ململانێکان، ڕۆڵی یەکێتی لە ئایندەدا چارەنوسساز دەبێت بۆ گەیشتن بە سەقامگیری و ئارامی لە شارەکەدا، ئەویش بە پێشخستنی دیالۆگ و ڕێزگرتنی یەکتر لەنێوان هەموو پێکهاتەکانی کۆمەڵگەی کەرکوکدا.