‎کۆنگرەی یەکێتیی بۆ ئێستا ؟؟؟

‎کۆنگرەی یەکێتیی بۆ ئێستا ؟؟؟
ھێرش قەشانی

‎بەستنی کۆنگرە، بۆ دووبارە نوێبوونەوەی کارو چالاکی ڕێکخراوو حزبە، لەژێر ئەو ڕۆشناییەدا، یەکێتیی نیشتمانیی کوردستان، لە ساڵی 1992 یەکەم کۆنگرەی خۆی ئەنجامدا و سەرۆک جەلال تاڵەبانی، وەک سکرتێری یەکێتیی نیشتمانیی کوردستان بەتەواوی دەنگی هەڤاڵانی بەشداربووی کۆنگرە هەڵبژێردرا، کۆنگرەی دوو و سێ و چوار هەرچەند لەوادەی خۆیدا دوادەکەوت، ئەویش بەهۆی بارودۆخی سیاسی ئەوسای ناوچەکە، بەڵام کۆنگرەی پێنجەم بەهۆی ئەنجامدانی دوو هەڵبژاردن، کە ئەوانیش هەڵبژاردنی پەرلەمانی کوردستان و هەڵبژاردنی ئەنجومەنی پارێزگاکانی عیراقن، زیاتر لە دوومانگ پێش وادەی خۆی بڕیاری بەستنی درا. 
‎ئەنجامدانی کۆنگرەی پێنجەم بۆ ڕێکخستنەوەو یەکخستنەوەی هەڤاڵانی یەکێتیە، بۆیە یەکێتیی نیشتمانیی کوردستان دەیەوێت لە ڕێگەی ئەم کۆنگرەوە زیاتر خۆی ڕێکبخاتەوە و خزمەتی هەڤاڵان و هاووڵاتیانی هەرێمی کوردستان و کوچە بە کوچەی ئەم نیشتمانە بکات.
‎لێرەدا دەمەوێت بڵێم کۆنگرەی پێنجەم کە بڕیارە لە 27ی ئەم مانگە ببەسترێت، تەنهاو تەنها بۆ خزمەتی هاووڵاتیان و کوردستانە، بۆیە دەبێت پشتیوانی لێبکرێت، بۆئەوەی حزبەکەی مام زیاتر خۆی نوێ بکاتەوە و لەگەڵ گۆڕانکاریەکان خۆی بگونجێنێت و  کەسی بەتوانا و گەنج بێنێتە ناو پڕۆسە سیاسیە نوێکە تا زیاتر و زیاتر خزمەت بکات.