ته‌ندروستی سلێمانی: له‌ماوه‌ی 24 سه‌عاتدا 635 حاڵه‌تی توشبون به‌سكچون و رشانه‌وه‌ تۆماركراوه‌

د.سه‌باح هه‌ورامی، به‌ڕێوه‌به‌ری گشتی ته‌ندروستی سلێمانی رایگه‌یاند، له‌ ماوه‌ی 24 سه‌عاتی رابردودا 635 حاڵه‌تی توشبون به‌نه‌خۆشی سكچون و رشانه‌وه‌ له‌نه‌خۆشخانه‌كانی سلێمانی داخڵ كراون و چاره‌سه‌ری پێویستیان بۆ كراوه‌.

له‌ په‌یامێكدا د.سه‌باح هه‌ورامی ئاماژه‌ی بۆ ئه‌وه‌شكردوه‌ ،زۆبه‌ی نه‌خۆشه‌كان خۆشبه‌ختانه‌ له‌نه‌خۆشخانه‌كان چاره‌سه‌ری پێویستیان بۆ كراوه‌و زۆرینه‌یان نه‌خۆشخانه‌یان جێ هێشتوه‌. و گه‌ڕاونه‌ته‌وه‌ ماڵه‌كانیان

دوێنێش وه‌زاره‌تی ته‌ندروستی حكومه‌تی هه‌رێمی كوردستان رایگه‌یاند، ژماره‌ و ڕێژه‌ی توشبون به‌ نه‌خۆشیه‌كانی سكچونی توند زیادیكردوه‌ و  ژماره‌یه‌ك له‌ حاڵه‌ته‌كانی كۆلێرا له‌ ته‌مه‌نه‌ جیاوازه‌كان له‌ هه‌ردو پارێزگای سلێمانی و هه‌ولێر ده‌ستنیشانكراون، بۆیه‌ دوای پشتڕاستكردنه‌وه‌ی تاقیگه‌یی وه‌زاره‌تی ته‌ندروستی حكومه‌تی هه‌رێمی كوردستان ڕێكاری زیاتر و توندتری له‌گه‌ڵ لایه‌نه‌ په‌یوه‌نداره‌كان گرتوه‌ته‌به‌ر.