سه‌رۆكى هه‌رێمى كوردستان پرسه‌نامه‌يه‌ك ئاراسته‌ى كه‌سوكار و هاوسه‌نگه‌رانى شه‌هيد ئاكام عومه‌ر ده‌كات

 
پرسه‌ و سه‌ره‌خۆشيى قووڵم ئاراسته‌ى خانه‌واده‌ و كه‌سوكار و هاوسه‌نگه‌ران و هاوڕێيانى خوالێخۆشبوو شه‌هيد ئاكام عومه‌ر فه‌رمانده‌ى هێزه‌كانى كۆماندۆ ده‌كه‌م كه‌ دواى برينێكى سه‌خت و مانه‌وه‌ى مانگێك و سێ هه‌فته‌ له‌ژێر چاودێريى پزيشكيدا، به‌داخه‌وه‌ ئه‌مڕۆ گيانى له‌ده‌ستدا.
هاوخه‌م و هاوسۆزيانم و له‌ خواى مه‌زن داواكارم گيانى به‌ به‌زه‌يى و ميهره‌بانيى خۆى شاد بكات و دڵنه‌وايى و ئارامى به‌ خانه‌واده‌ و كه‌سوكار و هاوسه‌نگه‌ران و هاوڕێيان و هه‌مووان ببه‌خشێت.
نێچيرڤان بارزانى
سه‌رۆكى هه‌رێمى كوردستان
2022/12/12