واده‌ی هاتنی شه‌پۆلێكی دیكه‌ی به‌فرو باران راگه‌یه‌ندرا

به‌ڕێوه‌به‌رایه‌تی بومه‌له‌رزه‌زانی هه‌رێمی كوردستان رایگه‌یاند: ئێواره‌ی ئه‌مڕۆ شه‌پۆلی باران و به‌فره‌كه‌ كۆتایی دێت، به‌ڵام شه‌پۆلێكی دیكه‌ به‌ڕێوه‌یه‌.

كه‌شناسی هه‌رێم رایگه‌یاند: كاریگه‌ری ئه‌و شه‌پۆڵه‌ی ڕووی له‌ ناوچه‌كه‌مان كردوه‌ له‌ ئه‌مڕۆدا له‌ كاته‌كانی ئێواره‌دا كۆتایی دێت.

ئاماژه‌به‌وه‌شكردووه‌، رۆژی هه‌ینی ئاسمانی هه‌رێم به‌ گشتی نیمچه‌ هه‌وره‌ له‌گه‌ڵ ئه‌گه‌رێكی كه‌م به‌فر له‌سه‌ر ناوچه‌ شاخاوییه‌ سنووریه‌كان ببارێت .

كه‌شناسی ده‌شڵێت, رۆژی شه‌ممه‌ كاریگه‌ری شه‌پۆڵێكی تری باران بارین و به‌فر بارین روو له‌ ناوچه‌كه‌مان ده‌كاته‌وه‌ .