کەشناسی: پلەی گەرما بەرز دەبێتەوە

شەپۆلێکی خۆڵبارین روو لە عێراق دەکات و کەشناسی هەرێمی کوردستانیش دەڵێت: لەئەمڕۆوە پلەی گەرما بەرزدەبێتەوە و ئاسمان ساماڵ و پەڵەهەور دەبێت.
دەستەی کەشناسیی عێراق لە راگەیەندراوێکدا بڵاویکردەوە، رۆژانی پێنجشەممە و هەینی شەپۆلێکی خۆڵبارین روو لەناوچەکانی عێراق دەکات.
بەگوێرەی راگەیەندراوەکە، "پلەی گەرما لە پارێزگاکانی زیقار، میسان، نەجەف و بەسرە دەگاتە 48 پلەی سیلیزی، کە بەرزترین پلەیە لەنێو پارێزگاکاندا و پلەی گەرمای بەغدادیش دەگاتە 46 پلەی سیلیزی.
کەشناسیی هەرێمی کوردستانیش دەڵێت: لەئەمڕۆوە پلەی گەرما بەرزدەبێتەوە و ئاسمان ساماڵ و پەڵەهەور دەبێت.
بەرزترین پلەی گەرمای پێشبینیکراویش لە هەولێر 44 پلە، سلێمانی 42 پلە، دهۆک 43 پلە دەبێت.
هەر بەگوێرەی پێشبینی کەشناسی پلەی گەرما لە کەرکوک دەگاتە 45 پلەی سیلیزی.