رەفعەت عەبدوڵڵا : یەکێتی لەهەناوی خەڵکەوە دروست بووە و بۆ خزمەتی خەڵکیشە

پاشنیوەرۆی ئەمرۆ چوارشەممە هەڤاڵ رەفعەت عەبدوڵڵا ئەندامی مەکتەبی سیاسی  بەئامادەبوونی هەڤاڵ زیاد جەبار لێپرسراوی مەڵبەندی سلێمانی و چرا عومەر لێپرسراوی بازنەی چوارچرا و ژمارەیەک لەهەڤالانی مەکتەبی ڕێکخستن.
لەهۆڵی شەهید ئارام لەمەڵبەندی سلێمانی لەگەڵ ژمارەیەک کادری سنووری بازنەی چوارچرا کۆبووەوە.
دوای  چەندساتێک ماتەمینی بۆ گیانی پاکی شەهیدان، لەوتەیەکدا رەفعەت عەبدوڵڵا باسی لەئامادەکارییەکانی یەکێتی بۆ هەڵبژاردنی پەرلەمانی کوردستان کرد و رایگەیاند یەکێتی تەواوی ئامادەکارییەکانی بۆ هەڵبژاردن ئەنجامداوە و ئامانجێتی سەرکەوتنێکی گەورە بەپشتیوانی کۆمەڵانی خەڵک بەدەستبهێنێت، لەبەشێکی تری کۆبوونەوەکەدا هەڤاڵ رەفعەت عەبدوڵڵا باسی لەدۆخی هەرێم و گوزەرانی خەڵک کرد و رایگەیاند حکومەتی ئێستا جیاکاری زۆر لەنێوان ناوچەکاندا دەکات و تەواوی سێکتەرەکانیشی بۆ لایەنێک قۆرغکردووە، بۆیە یەکێتی مەبەستیەتی بەسەرکەوتنی لەم هەڵبژاردنەدا رێڕەوی حکومڕانی راستبکاتەوە و حکومەتێکی خزمەتگوزار پێک بهێنێت.
هەر لەکۆبووەنەوەکەدا وەڵامی پرسیار و پێشنیاری هەڤاڵانی بەشداربوو درایەوە.