وەزارەتی پەروەردەی فەلەستین ئاماری کوژرانی خوێندکاران و مامۆستایان لە غەززە بڵاودەکاتەوە

وەزارەتی پەروەردەی فەلەستین ژمارەی ئەو خوێندکارو  مامۆستایانەی بڵاوكرده‌وه‌ كه‌ به‌هۆی بۆردوومانه‌كان و شه‌ڕی حه‌ماس و ئیسرائیل کوژراون.

وەزارەتی پەروەردەی فەلەستین رایگەیاند "لە دەستپێکی شەڕی غەززە لە 7ی تشرینی یه‌كه‌می ساڵی 2023 تا ئێستا 11هه‌زار و 923  خوێندکار  به‌هۆی هێرشه‌كانی ئیسرائیل کوژراون و  19 هه‌زار و 199 خوێندکاری تریش لەو هیرشانە برینداربوونە.

ئاماژەی بەوەشکرد :341 خوێندنگەو زانکۆ لەو ماوەیەدا بۆردوومانكراون و وێرانبوون، هاوكات 561 مامۆستا و کارمەندی پەروەردە لە هێرشی ئیسرائیل کوژراون و 3729 بریندار بوونە و 148 مامۆستاش دەستگیر کراون".