ئەمڕۆ وه‌فدی پارتی یەکسانی و دیموکراسیی گەلان (دەم پارتی) بۆ پرۆسه‌ی ئاشتیی، بۆ كۆبونه‌وه له‌گه‌ڵ عه‌بدــ ولڵا ئۆجه‌لان ڕێبەری زیندانیکراوی پارتی کرێکارانی کوردستان بۆ جاری دووه‌م گه‌ڕانه‌وه زیندانیی ئیمراڵی.
به گوێره‌ی میدیاكانی باكوری كوردستان ئەمڕۆ چوارشەممە 22ی كانونی دووه‌می 2025 بەمەبەستی كۆبونەوە لەگەڵ ئۆجــەلان وه‌فدەکەی دەم پارتی كە لە پەروین بوڵدان و سری سورەییا ئۆندەر پێکهاتووە، بۆ جاری دووه‌م سەردانی دورگەی ئیمرالیان كرده‌وه.
هه‌رچه‌ند رێبه‌ری په‌كه‌كه داوای كردبو ئەحمەد تورك، سیاسەتمەداری ناسراوی كورد لە باكوردی كوردستان بكرێت به ئه‌ندامی وه‌فده‌كه، بەڵام میدیاكانی باكوری كوردستان، باس له‌وه‌ده‌كه‌ن كه تورك یەكێك نیە لە ئەندامانی وه‌فدەكە بۆ ئیمرالی.
ئه‌مه له‌كاتێكدا ئه‌حمه‌د تورك به‌شداریی لە كۆبونەوەی وه‌فدی دەم پارتی لەگەڵ لایەن و كەسایەتیەكانی توركیا بەشداربو.
28ی کانونی یەکەمی 2024 یەکەم کۆبونەوەی وه‌فدی دەم پارتی لەگەڵ عەبدوڵا ئۆجەلان بەڕێوەچو، دوای دیدارەکەش وه‌فدی دەم پارتی بۆ خستنەڕوی ئەنجامی کۆبونەوەیان لەگەڵ ئۆجەلان، بە جیا لەگەڵ پارت و لایەنە سیاسییەکانی تورکیا کۆبونەوە، دوای ئه‌و کۆبونەوەکانیش، لە ڕاگەیەندراوێکدا جەختیان لەوەکردەوە، هەڵوێستی لایەنە سیاسییەکان لەبارەی پرۆسەی نوێی ئاشتی لە تورکیا و باکوری کوردستان ئیجابی بووە.
Copyright © 2020 Kirkuk Tv All Rights Reserved Designed And Developed By AVESTA GROUP