خانمی یەکەم پێشوازی لە دکتۆر محەمەد حەسان نوێنەری ئەمینداری گشتیی نەتەوە یەکگرتووەکان لە عێراق دەکات و جەختدەکاتەوە لەگرنگیی هاریکاریی و هەماهەنگیی بۆ پاراستنی کەلەپور و شوێنەوارەکان.
خانمی یەکەم شاناز ئیبراهیم ئەحمەد جەختیکردەوە لە گرنگیی هەوڵی زیاتر بۆ پاراستن و نۆژەنکردنەوەی ناوچە شوێنەواری و کەلەپورییەکان بە شێوەیەک لەگەڵ سروشت و پێگەی مێژووییاندا بگونجێت.
لە میانی دیدارەکەدا خاتوو شاناز ئیبراهیم ئەحمەد داوای لە دەزگاکانی نەتەوە یەکگرتووەکان کرد کە لەگەڵ لایەنە پەیوەندیدارەکان کاربکەن بۆ پاڵپشتیکردنی ئەو دەستپێشخەریانەی کە دەگیرێتەبەر بۆ پاراستنی شوێنەوارەکان، هەروەها سندوقێک دابمەزرێنن بۆ پاڵپشتیکردنی کاری ڕێکخراوە کەلەپورییەکان بۆ پەرەپێدانی هاریکاری و هەماهەنگی لە ڕووبەڕووبوونەوەی ئاڵەنگارییەکان و دۆخی ژینگەیی کە زیان بە ناوچە شوێنەوارەکان دەگەیەنێت بە شێوەیەک کە کەلەپوری عێراق بپارێزێت.
Copyright © 2020 Kirkuk Tv All Rights Reserved Designed And Developed By AVESTA GROUP