وادەی چەکدانانی پەکەکە لەسلێمانی ئاشکراکرا

وتەبێژی کەجەکە ڕایدەگەیەنێت: لە نێوان 10 بۆ 12ی تەمموز، یەکەم گروپی گەریلاکانی پەکەکە کە لە 20 تا 30 کەس پێکدێت، لە سلێمانی چەکەکانیان دادەنێن. 

زاگرۆس هیوا، وتەبێژی کۆما جڤاکێن کوردستان (کەجەکە)، رایگەیاند: گەریلاکان بە سەرپەرشتیی رێکخراوەکانی کۆمەڵگەی مەدەنی و لایەنە پەیوەندیدارەکان چەکەکانیان لەناودەبەن.

وتیشی: هێشتا ژمارەی ئەو گەریلا بەشداربوانە دیاری نەکراوە، بەڵام رەنگە لەنێوان 20 بۆ 30 گەریلا بن.

زاگرۆس هیوا ئاماژەی بەوەشکرد: بۆ ئەوەی پەکەکە هەنگاوی زیاتر بەرەو چەکدانان بنێت، پێویستە ئەو گۆشەگیرییەی لە زیندان بەسەر ئۆجەلاندا سەپێندراوە هەڵبگیرێت.

وتەبێژی کەجەکە داواشیکرد: هەنگاوی دەستوری، یاسایی و سیاسی بنرێت بۆ دڵنیابونەوە لەوەی ئەو گەریلایانەی واز لە ستراتیژی خەباتی چەکداری دەهێنن بتوانن لە تورکیا تێکەڵ بە سیاسەتی دیموکراسی ببن.