وەفدی دەم پارتی: هەوڵەکانی ئۆجەلان لەبارەی پرۆسەی ئاشتی بەردەوام دەبێت

وەفدی دەم پارتی راگەیەندراوێکی لەبارەی دیداری دووەمیان لەگەڵ عەبدوڵا ئۆجەلان ڕێبەری زیندانیکراوی پارتی کرێکارانی کوردستان بڵاوکردەوەو رایگەیاند: لەبارەی دیدارەکانیان لەگەڵ لایەنە سیاسییەکان، زانیاریی پێویستیان بە ئۆجەلان داوە .
وتیشی: کارەکانی وەفدەکە بەردەوام دەبێت و لە ئەگەری پێشهاتی نوێ رای گشتی ئاگادار دەکرێتەوە.
وەفدی دەم پارتی باسی لەوەکردووە: بۆ ئەوەی ئەو پڕۆسەیەی دەستیپێکردووە بە ئەنجام بگات، چاوەڕوانن لە لایەنە سیاسییەکان بەشداریی لە پڕۆسەکەدا بکەن.
وەفدەکە باسی لەوەشکردووە: ئۆجەلان لە رێگەی ئەوانەوە سەرەخۆشی لە کەسوکاری ئەو کەسانە دەکات کە لە ئاگرەکەی پارێزگای بۆڵو گیانیان لەدەستداوە و هیوای چاکبوونەوەشی بۆ بریندارەکان خواستووە .