مەڵبەندی دیراسات فۆڕمی پێشكەشكردنی داواكاریی دبلۆمی كاری حزبی رادەگەیەنێت

مەڵبەندی دیراساتی گشتی یەكێتی، فۆڕمی پێشكەشكردنی داواكاریی دبلۆمی كاری حزبی راگەیاند، كەپێشكەشكردن بە شێوەی ئۆنڵاین دەبێت و خوازیار ماوەی 8 رۆژی لەبەردەمدایە بۆ پڕكردنەوەی فۆڕمەكە.

مەڵبەندی دیراساتی گشتی یەكێتیی نیشتمانیی كوردستان، فۆڕمی پێشكەشكردنی داواكاریی دبلۆمی كاری حزبی بە شێوەی ئۆنڵاین راگەیاندو خوازیاران لەئەمڕۆوە 29-1-2025 تاوەكو 6-2-2025 كاتیان  لەبەردەمدایە بۆ پڕكردنەوەی فۆڕمەكە.

هاوكات مەڵبەندی دیراساتی گشتی یەكێتیی نیشتمانیی كوردستان، مەرجەكانی بەشداریكردنی لە دبلۆمی كاری حزبی بڵاوكردووەتەوەو بەگوێرەی مەرجەكانیش، پێویستە ئەندامی خول تەمەنی لە نێوان 18 – 28 ساڵ بێت و لانیكەم هەڵگری بڕوانامەی 12 ئامادەیی بێت و یەكێتی بێت یان باوەڕی بە بەرنامە و كار لەنێو ئۆرگانەكانی یەكێتیی نیشتمانیی كوردستاندا هەبێت.

پێشتریش سەبارەت بە سیاسەتی داهاتوی یەكێتی، د.یوسف گۆران لێپرسراوی مەڵبەندی دیراساتی گشتی رایگەیاندبوو: "یەكێتی دەیەوێت لەداهاتوودا بەهێزترو كاریگەرتر بێت، چونكە ئێمە تەنیا حزبی هەڵبژاردن نین، بەڵكو حزبێكین ئەركی گەورەی نەتەوەیی و چارەنووسسازمان لەسەر شانە و دەبێت بەردەوام كاری بۆ بكەین".

مەڵبەندی دیراساتی گشتی لەماوەی ساڵی رابردوودا چەندین خولی تایبەتمەندی بۆ كادیرانی یەكێتی لەئاستی جیاجیادا كردووەتەوەو تا ئێستا زیاتر لە 500 كادیر خولی پەروەردەو گەشەپێدانیان بنیوە.
بۆ خۆتۆماركردن كلیك له‌سه‌ر ئه‌م لینكه‌ بكه‌ ..

https://apply.dirasatdiploma.org/