ئەمڕۆ سێشەممە 19ی تشرینی دووه‌می 2024 ئەنجومەنی وەزیرانی عێراق له كۆبوونەوەی هەفتانەی خۆیدا، بڕیاری دا لە ٪١ی مووچەی سەرجەم فەرمانبەرو خانەنشینان ببڕدرێت و وەکو هاوكاریی ببه‌خشرێته هاوڵاتییانی غەززە و لوبنان.
نوسینگەی ئەنجومەنی وەزیرانی عێراق لە راگەیەندراوێکدا ئاماژه‌ی بۆئه‌وه‌كردووه:" بڕیارەكە ئارەزوومەندانەیەو فەرمانبەر خۆی بڕیار لەسەر دان و نەدانی دەدات، بۆ مانگی داهاتووش دەچێتە بواری جێبەجێكردنەوە."
باسی له‌وه‌شكردووه:" هاوكارییەكان بەچاودێریی راستەوخۆی سەرۆك وەزیرانی عێراق لە رێگەی هەژمارێكی بانكی پێشكەش بە هاوڵاتییان لە غەززە و لوبنان دەكرێت."
Copyright © 2020 Kirkuk Tv All Rights Reserved Designed And Developed By AVESTA GROUP