لیژنەی نەوت و غاز: رێككەوتنی هەرێم و بەغدا پەسەندکردنی یاسای نەوت و غاز ئاسان دەکات

كازم توكی، ئەندامی لیژنەی نەوت و غاز لە ئەنجومەنى نوێنەرانى عیراق رایگەیاند: رێككەوتنی ئەم دواییەی هەرێم و بەغدا بەپێشهاتێكی باش دادەنرێت، چونكە خاڵی ناكۆك لەیاساكە پرسی پارەی تێچوی دەرهێنانی نەوتی هەرێم بووە و رێکەوتنەکەش دەبێتە مایەی لێكگەیشتنی فراوانتر لەبارەی یاسای نەوت و غاز.
ئەوەشی خستەڕوو، بەپێی رێککەوتنەکەی نێوان هەرێم و بەغدا بەرزترین ئاستی تێچووی دەرهێنانی بەرمیلێک نەوت لە کێڵگەکانی هەرێم  بە نزیكەی ٢٢ دۆلار دیاریكراوە، سەرەڕای ئەوەی تێچوی دەرهێنانی بەرمیلێك نەوت لە گرێبەستەكانی حكومەتی ناوەندیدا ١٢ دۆلار تێناپەڕێت.
بەهۆی گۆڕانکاری لە پارەی تەرخانکراو بۆ تێچووی بەرهەمهێنان و گواستنەوەی نەوتی هەرێم پڕۆژە یاسای هەمواری بودجە لە پەرلەمانی عێراق خوێندنەوەی یەکەمی بۆ کراوە و بڕیارە هەفتەی داهاتوو دەنگی لەسەر بدرێت.