پەیامی مەكتەبی سیاسی بۆ رۆژی جیهانیی ژنان

مەکتەبی سیاسی (ی.ن.ک) بەبۆنەی هەشتی مارسەوە پەیامێکی بڵاوکردەوە و رایگەیاند یەكێتیی وەك هەمیشە  پشتیوانی بۆ  خەباتی  ژنان  دووپاتدەکاتەوە، بەکردەوەش  لەسەر  رێبازەكەی  سەرۆك مام جەلال  بواری  تێكۆشانی  لە بواری حزبی و حكومیدا  بۆ رەخساندون.
لەپەیامەکەیدا مەكتەبی سیاسی یەكێتی رایدەگەیەنێت:  لە رۆژی  هەشتی مارسدا،   رۆژی  جیهانیی  جۆشدانی بزووتنەوەی  ژنان  پیرۆزبایی گەرم  لە گشت  ژنانی كوردستان و جیهان دەکەین.
ئاماژە بۆئەوەشدەکات، جوڵانەوەی ماف و یەکسانیخوازی ژنان بەشێکی سەرەکی و جەوهەری خەباتی دیموکراتی و تێکۆشانی کۆمەڵایەتی میللەتانن و هەر پێشکەوتنێک لەم جوڵانەوەیەدا خەرمان و خەزینی تێکۆشانی جیهانی دەوڵەمەند دەکەن
مەکتەبی سیاسی جەختیشی کردوەتەوە، یەكێتیی وەك هەمیشە  پشتیوانی بۆ  خەباتی  ژنان  دووپاتدەکاتەوە، بەکردەوەش  لەسەر  رێبازەكەی  سەرۆك مام جەلال  بواری  تێكۆشانی بۆ رەخساندون و هەوڵەکانیشمان بۆ بەرفراوانترکردنی بەشدارییان لە بڕیار و دارشتنی سیاسەتدا بەردەوامه.
مەکتەبی سیاسی ی.ن.ک، پیرۆزبایی لە هەڤاڵانی ژن و کچانی ریزەکانی یەکێتیی دەکات و رایدەگەیەنێت، ژنانی یەکێتیی باشترین و چالاکترینی ژنانی کایەی سیاسی و گشتین لە کوردستاندا.