كەركوك هیچ حاڵەتێكی تای خوێنبەربوونی تێدا نەماوە

دوای گرتنەبەری رێكاری پێویست و بڵاوكردنەوەی رێنمایی، ئێستا هیچ حاڵەتێكی تای خوێنبەربوون لەكەركوك نەماوە.
سامان یابە بەرپرسی راگەیاندنی فەرمانگەی تەندرووستی کەرکوک رایگەیاند، ئەومنداڵە تەمەن 9 ساڵەی دوێنی بەگومانی تای خوێنبەربوون  پشکنینی بۆکرا، ئەمڕۆ ئەنجامەکەی گەڕایەوە و دەرکەوت توشی هیچ نەخۆشیەک نەبووە و پشکنیەکەی پاک دەرچووە
دڵنیاییشیدا، ئێستا  شاری كەركوك هیچ حاڵەتێكی تای خوێنبەربوونی تێدا نەماوە.
تەندرووستی کەرکوک داواش لە هاوڵاتییان دەکات پابەندی رێنماییەکانی خۆپارێزی و هۆشیاریی بن، پشت بە سەرچاوەی باوەڕپێکراو و رەسمی ببەستن بۆ وەرگرتنی زانیاری، هەروەها دووربكەونەوە لەو سۆشیال میدیا و دەزگا راگەیاندنانەی هەواڵی نادروست بڵاودەکەنەوە.