ئەمرۆ 53 ساڵ بەسەر کۆچی دوایی هونەرمەندی گەورەی کورد حەسەن زیرەکدا تێدەپەڕێت

ئەمرۆ 53 ساڵ بەسەر کۆچی دوایی هونەرمەندی گەورەی حەسەن زیرەکدا تێدەپەڕێت.
حەسەن زیرەک، لە 29ی تشرینی دووەمی 1921 لە دایکبووە، هەر لە تەمەنی منداڵییەوە گۆرانی وتووە و نازناوی زیرەکیش بەهۆی لێهاتووییەکەیەوە بووە، جگە لە گۆرانیی وتن، تێکست و ئاوازی بۆ گۆرانییەکانیشی داناوە.
لە ژیانی هونەریدا چەندین بەرهەمی گۆرانیی تۆمارکردووە بەناوبانگترینیان بریتین لە، نەورۆز، وەک قومری، کەتانە، هەی نار، کرماشان شاری شیرینم، ئەمان دکتۆر و ئەسمەر.
حەسەن زیرەک هۆنراوەی هەریەک لە شاعیران نالی، وەفایی، پیرەمێرد، هێمن، سەید کامیل ئیمامی، کوردی و هەردی کردووە بە گۆرانی.
رۆژی 26ی حوزەیرانی 1972 لە تەمەنی 51 ساڵیدا بەهۆی تووشبوونی بە شێرپەنجەی جگەر، کۆچی دواییکردووە.