هه‌ولێر ـ نه‌بوونی خزمه‌تگوزاریی گردبونه‌وه‌ی ناڕه‌زایی لێده‌كه‌وێته‌وه‌

لەبەرامبەر نەبوونی خزمەتگوزاری و قیرتاونەكردنی گەڕەكەكەیان جارێكی دیكە دانیشتوانی گەڕەكی سیمی خاتوناوە لە هەولێر گردبوونەوەی ناڕه‌زاییان ئه‌نجامدا.

دانیشتوانی گەڕەكەكە، ڕێگربوون لەبەردەم تیمێكی بەستانی پێوەری زیرەكی كارەبا كە بەنیازبوون بۆ خانووەكانی ئەو گەڕەكە بیبەستن و تێمەكەیان ناچار كرد گەڕەكەكە بەجێبهێڵن. 

ئەمە چەند جارێكە دانیشتوانی گەڕەكی سیمی خاتووناوە لە هەولێر گردبوونەوەی ناڕەزایی ئەنجامدەدەن بۆ دابینكردنی خزمەتگوزاری و قیرتاوكردنی گەڕەكەیان، بەڵام تاكوو ئێستا ئاوڕیان لێنەرداوەتەوە.