دیداری سێ شەممەی پارێزگار و هاوڵاتیان

ئەزهەر سەمەد
10:05 - 2024-11-12


لەپێشوودا کارێکت بکەوتایە بەیەکێک لەفەرمانگەکان دەبوو یەک هەفتە بەدوای کەسێک بگەڕێی تاوەکو لەپرسگەی فەرمانگەکە بتاکەتە ژوورەوە دواتریش پێوویستیت بەکەسێکی دیکە دەبوو تاوەکو کارەکەت لای بەرپرسی یەکێک لەبەشەکان بۆ ڕایی بکات ، ئەوە باس لە بینینی بەڕێوەبەری فەرمانگەکە ناکەم چوونکە ئەگەر بەخت و واستەکەت  زۆر باش بوایە دەبووە ڕۆژی جەژن بۆ ئەوکەسەی کە بۆ کاری خۆی چۆتە ئەو فەرمانگەیە .
ئەی ئەوکەسەی کەسی نەبێت ،پەیوەندی نەبێت ، نەشتوانێت بگات بەشوێنەکان چیبکردبایە ،کارەکەی چۆن جێبەجێکردایە حەتمەن کاری ڕۆژێکی دەبوو بەمانگ و کاری مانگێکیشی دەبوو بەساڵێک .
بەڵام ئێستا جیاوازە ،کەرکوک خاوەنی پارێزگارێکی کەرکوکیە لەماوەی ڕابردوودا چەندین کاری باش ئەنجامدراون یەکێک لەوکارە نایابانەش تەرخانکردنی ڕۆژانی سێشەممە لەهەموو هەفتەیەک  بۆبینینی هاوڵاتیان لێرەدا ئەو هاوڵاتیەی کێشە و گیروگرفت و داواکاری هەیە ڕاستەوخۆ دەیخاتە بەردەستی پارێزگار ئەویش بەواژۆی خۆی ئاڕاستەی بەڕێوەبەری  ئەو فەرمانگەیی دەکات کەپەیوەندی بەکێشەکەوە هەیە.
دیداری سێشەمەی پارێزگار و هاوڵاتیان جگە لەوەی کاروباری هاوڵاتیان زووتر جێبەجێدەکرێت لەهەمان کاتیشدا دەبێتە هۆی کەمبوونی گەندەڵیی و ڕۆتین کەبەشێوەیەکی بەرفراوان لەزۆر لەشوێنەکان بڵاوبۆتەوە چوونکە لایەنی پەیوەندیدار تێدەگات دەسەڵاتێک هەیە چاوپۆشی ناکات ،دەسەڵاتێک هەیە کەڕامەت وداواکاری هاوڵاتیانی خستۆتە سەرووی هەموو کارێکیەوە .

Copyright © 2020 Kirkuk Tv All Rights Reserved Designed And Developed By AVESTA GROUP