قوباد تاڵه‌بانی پیرۆزبایی جه‌ژنی ئه‌كیتۆ له‌ ئاشوری و سریانی و كلدانییه‌كان ده‌كات

به‌بۆنه‌ی جه‌ژنی ئه‌كیتۆ، سه‌ری ساڵی نوێی بابلی ئاشوری، قوباد تاڵه‌بانی  جێگری سه‌رۆكی ئه‌نجومه‌نی وه‌زیران په‌یامێكی پیرۆزبایی ئاڕاسته‌ی خوشك و برایانی ئاشوری و سریانی و كلدانی كرد.

له‌ په‌یامه‌كه‌دا هاتوه‌:  له‌م بۆنه‌ ره‌سه‌ن و دێرینه‌دا كه‌ ناسنامه‌ی مێژوویی و شارستانی گه‌لی سریانی ئاشوری-یه‌، دووپاتی ده‌كه‌ینه‌وه‌، كه‌پێویسته‌ كار بكه‌ین بۆ پته‌وتركردنی پێكه‌وه‌ژیانی ئاشتیانه‌ و پابه‌ندبوون به‌بنه‌ماكانی دیموكراتی له‌ژیانی هاوبه‌ش و برایه‌تی و كاركردنی پێكه‌وه‌یی بۆ پاراستنی ئه‌و ده‌ستكه‌وتانه‌ی كه‌ گه‌له‌كه‌مان له‌‌پێناویدا خه‌‌باتی كردووه‌‌.

راشیگه‌یاندوه‌:  له‌م جه‌ژنه‌دا، هیوای ژیانێكی خۆش و ئاینده‌یه‌كی گه‌ش بۆ هه‌رێمه‌كه‌مان و ئارامی و دڵنیایی بۆ گه‌له‌كه‌مان ده‌خوازین.