بزوتنه‌وه‌ی حه‌مماس ورده‌كاری ئاگربه‌ست له‌گه‌ڵ ئیسرائیل ئاشكرا ده‌كات و رایده‌گه‌یه‌نێت؛ له چوارچێوه‌ی ئه‌و رێككه‌وتنه‌ی له‌گه‌ڵ ئیسرائیل پێیگه‌یشتون، چوار رۆژ ئاگربه‌ستی كاتیی راده‌گه‌یه‌نرێت و له‌و ماوه‌یه‌دا له به‌رامبه‌ر 50 دیلی ئیسرائیلیدا كه ئازاد ده‌كرێن، 150 فه‌ڵه‌ستینیش له گرتوخانه‌كانی ئیسرائیلدا ئازاد ده‌كرێن، كه له كه‌سانی خوار ته‌مه‌ن 19 ساڵ و ژن و منداڵ پێكدێن
هه‌ر به‌پێی رێككه‌وتنه‌كه ئاگربه‌سته‌كه، له‌و ماوه‌یه‌دا سه‌دان بارهه‌ڵگرو پێداویستی و هاوكاریی مرۆیی و سوته‌مه‌نی ده‌چنه غه‌ززه‌و ده‌گه‌نه هه‌مو ناوچه‌كانی باكور و باشوری كه‌رته‌كه.
باس له‌وه‌شكراوه كه له ماوه‌ی ئاگربه‌سته‌كه‌دا ته‌واوی رۆژه‌كه هاتوچۆی ئاسمانیی له باشوری كه‌رتی غه‌ززه راده‌گیرێت و له باكوریش بۆ ماوه‌ی شه‌ش سه‌عات راده‌گیرێت و هێزه‌كانی ئیسرائیلیش له ته‌واوی كه‌رتی غه‌ززه‌دا كه‌س ده‌ستبه‌سه‌ر ناكه‌ن و هێرش ناكه‌نه سه‌ر كه‌س.
Copyright © 2020 Kirkuk Tv All Rights Reserved Designed And Developed By AVESTA GROUP
