حکومەتی عێراق هەنگاوەکانی بۆ ئاوەدانکردنەوەی گوندەکان دەستپێدەکات

وەزارەتی پلاندانانی عێراق هەنگاوەکانی بۆ ئاوەدانکردنەوەی سەدان گوند لەسەرانسەری عێراق دەستـپێدەکات و، كار بۆ ئاوەدانكردنەوەی ٥٠٠ گوند لەسەرجەم پارێزگاكانی عێراق دەكات.
عەبدولـزەهرا هنداوی وتەبێژی وەزارەتی پلاندانانی عێراق لەبارەی ئاوەدانكردنەوەی سەدان گوند لەسەرتاسەری عێراق ڕایگەیاند، لەسەر بودجەی سندوقی گەشەپێدانی كۆمەڵایەتی و بەتێچووی ٣٠٠ ملیۆن دۆلار كــــار بۆ ئاوەدانكردنەوەی ٥٠٠ گوند لەسەرجەم پارێزگاكانی عێراق دەكەن، پارەكەش لەلایەن بانكی نێودەوڵەتییەوە دابینكراوە.
ئاماژەی بەوەشكرد، ئەو پرۆژانەی جێبەجێدەكرێن، بریتین لەدروستكردنی خوێندنگەو بنكەی تەندروستی و قیرتاوكردنی ڕێگاوبان و گەیاندنی ئــاو و كارەبا، پڕۆژەكان بەپێی پلانێك دابەشكراون كە كۆمەڵێك قۆناغ لەخۆدەگرێت و  لەهەر قۆناغێكیش كۆمەڵێك پڕۆژە جێبەجێ دەكرێت.