ڕوسیا خستنەخوارەوەی دەیان فڕۆکەی بێفڕۆکەوانی ئۆکرانیا ڕادەگەیەنێت

وەزارەتی بەرگری ڕوسیا رایگه‌یاند: شەوی رابردو 33 فڕۆکەی بێفڕۆکەوانی ئۆکرانی لە ئاسمانی نیمچە دورگەی کریمیا خستوەتە خوارەوە.
وەزارەتی بەرگری ڕوسیا لە بەیاننامەیەکدا ڕایگەیاندوه‌:  سیستەمەکانی بەرگری ئاسمانی 33 فڕۆکەی بێفڕۆکەوانیان بەسەر خاکی کۆماری کریمیا لەناوبردو ڕێگرییان لێکرد.
ئاماژەی بەوەشکرد:سیستەمی به‌رگری لە دەریای ڕەشدا 10 فڕۆکەی بێفڕۆکەوانی دەریایی لەناوبرد کە بەرەو نیمچە دورگەی کریمیا  ئاڕاستە کرابون.
هاوكات دوێنێ چوارشەممە لە هێرشێکی دیکەی فڕۆکەیەکی بێفڕۆکەوانی ئۆکرانیدا دوو هاوڵاتی مەدەنی لەسنوری وڵاتی ڕوسیا کوژران.
ئەم هێرشانەی وڵاتی ئۆکڕانیا لەکاتێکدادێت هەفتەی ڕابردو کیێڤ ڕوبەڕوی هێرشێکی موشەکی ڕوسی بوەوە کە نەخۆشخانەیەکی منداڵانی وێران کردو شەپۆلێکی سه‌ركۆنه‌كردنی نێودەوڵەتی لێکەوتەوە.