محەمەد ئەمین نوێنەری جووتیارانی دوبز و سەرگەڕان ڕایگەیاند: بە هەوڵی رێبوار تەها پارێزگاری کەرکوک، بەشێک لەو زەوییە کشتوکاڵیانەی کە بەبڕیاری (مەجلس قیادە سەورەو لیژنەی شئونی شیمالی سەردەمی رژێمی بەعس) ڕەشکرابوونەوە، ئەمساڵ داخلی پلانی کشتوکاڵی دەکرێن.
دەشڵێت: ئەم هەوڵەی پارێزگاری کەرکوک، دەتوانێ چارەسەری ئەو کێشانە بکات کە بۆ جووتیارانی کوردو تورکمان لە سنوری پارێزگای کەرکوک دروستدەکراو بێبەشدەکران لە هەموو مافەکان و بەروبومەکانیان لەدەرەوەی پلانی کشتوکاڵی لێیان وەردەگیرا.
ئاماژە بەوەشدەکات: ئەم بڕیارەی پارێزگاری کەرکوک وادەکات جووتیارانی کورد لەکەرکوک سوودمەندبن لە وەرگرتنی تۆو و وەرگرتنی بەربوومەکانیان لەچوارچێوەی پلانی کشتوکاڵی .
Copyright © 2020 Kirkuk Tv All Rights Reserved Designed And Developed By AVESTA GROUP
