دەستەی دەروازە سنوورییەكان رایگەیاند، ژمارەی ئەو
ئاوارە لوبنانییانەی روویان لە عێراق كردووە گەیشتووەتە 18 هەزار.
عەلادین قەیسی، وتەبێژی دەستەی دەروازە سنوورییەكانى
عیراق رایگەیاند: هەوڵەكانی دەستەكەیان بە هەماهەنگی فەرمانگەكانی پەیوەندیدار بە
میوانداریی عێراق لە هاوڵاتییە لوبنانییەكان بەردەوامە.
وتیشی: ژمارەی ئەو لوبنانییانەی لە 27ی ئەیلولەوە
تا 10ی تشرینی دووەم گەیشتوونەتە عیراق زیاتر لە 18 هەزار لوبنانییە”.
ئاماژەى بەوەشکرد: بەپێی بڕیاری سەرۆك وەزیرانی
عێراق ڤیزای بێ بەرامبەر بە لوبنانییەكان دەدرێت، سەرەڕای پێشكەشكردنی سەرجەم
هاوكارییە مرۆیی و تەندروستییەكان.
Copyright © 2020 Kirkuk Tv All Rights Reserved Designed And Developed By AVESTA GROUP