پۆلیس و دەزگای هەواڵگری ئیسرائیل لە
راگەیەنراوێكدا ئاماژەیان بەوەكردووە، درەنگانی شەوی شەممە دوو بۆمبی رووناكی
بەسەر ماڵی بنیامین ناتانیاهۆدا لە ناوچەی قیساریا تێپەڕبوون و لە دەوروبەری
ماڵەكەیدا كەوتوونەتە خوارەوە.
ئەوەشیان خستووەتەڕوو: ناتانیاهۆ و ئەندامانی
خێزانەكەی لە كاتی ئاڕاستەكردن و كەوتنە خوارەوەی بۆمبەكە لە ماڵەوە نەبوون و
بەرەبەیانی ئەمڕۆش سێ كەس بە گومانی پەیوەندی بەو رووداوەوە دەستگیركراون و
لێكۆڵینەوەیان لەگەڵدا دەكرێت.
لە 19ی مانگی 10ی ئەمساڵدا سێ درۆن ئاڕاستەی ماڵی
ناتانیاهۆ كران و ئیسرائیل ئێرانی تۆمەتبار كرد.
Copyright © 2020 Kirkuk Tv All Rights Reserved Designed And Developed By AVESTA GROUP