ژمارەی قوربانیانی غەززە گەیشتە نزیکەی 150 هەزار کەس

بەپێی نوێترین ئامار لە دەستپێکی جەنگی حەماس و ئیسرائیلەوە تائێستا نزیکەی 44 هەزار کەس کوژراون و نزیکەی 103 هەزار کەسیش برینداربوون.

وەزارەتی تەندرووستی غەززە بڵاویکردەوە: بەهۆی شەڕ و پێكدادان و بۆردوومانەكانی سوپای ئیسرائیل، لە ماوەی 48 سەعاتی ڕابردوودا 51 كەس لە غەزە كوژراون و 164ی دیكەش بریندار بوون.

وەزارەتی تەندروستی غەززە ئاماژەی بەوەشکرد: تا ئێستا 43 هەزار و 603 هاوڵاتی لە غەزە كوژراون، ژمارەی بریندارەكانیش گەیشتووەتە 102 هەزار و 929 كەس.

ڕۆژی 7ی ئۆکتۆبەری 2023، حەماس هێرشی کردە سەر ئیسرائیل و جەنگ هەڵگیرسا و ئیسرائیلیش لەوکاتەوە تائێستا بەردەوامە لە هێرشەکانی بۆسەر کەرتی غەززە.