بایدن دەیەوێت هاریس بکاتە یەکەمین ژنە سەرۆکی ئەمەریکا

داوا دەکرێت جۆ بایدن، سەرۆکی ئەمەریکا دەستلەکارکێشانەوە پێشکەش بکات و رێگە بدات بۆماوەی ئەم مانگەی کە بۆ دەستاودەستکردنی دەسەڵات ماوەتەوە کامالا هاریس وەک سەرۆک دەستبەکار بێت، تا ئەمەریکا بەربەستی یەکەم ژنە سەرۆک بشکێنێت.

جەمال سیمۆنس، بەڕێوەبەری پێشوی پەیوەندییەکانی کامالا هاریس، لە میانی بەشداریکردنی لە بەرنامەیی (ستەیت ئۆف یونیەن) و دواتریش لە تۆڕی کۆمەڵایەتی ئێکس رایگەیاند؛ بایدن سەرۆکێکی زۆر باش بوو، بەڵام پێویستە کۆتا بەڵێنی خۆی بباتەسەر کە کەسێکە بڕوای بە رادەستکردنی دەسەڵات هەیە.

وتیشی، پێویستە جۆ بایدن دەستلەکاربکێشێتەوە و کامالا هاریس وەک یەکەمین ژنە سەرۆکی ئەمەریکا دیاری بکات و ئەمەش یاریەکەی ترەمپ دەگۆڕێت.

هەروەک ئاماژەی بۆ ئەوەشکردوە کە دانانی کامالا هاریس وەک سەرۆک تا 6ـی1 دانانی سەرۆکێکی ژن لە داهاتودا بۆ ئەمەریکا ئاسانتر دەکات.