ئەمریکا پشتیوانی پرۆسەی سەرژمێری دەکات

ئەمریکا پشتیوانی سەرژمێری دەکات و باڵیۆزی عیراقیشیان دەڵێت، پرۆسەکە بۆ دەستخستنی زانیاری ورد یەکــجار گرنگەو لە ڕێگەیەوە حکومەت دەتوانێت باشتر خزمەتی گەلەکەی بکات. 

ئەمڕۆ ئەلینا رۆمانۆوسکی لە تۆڕی ئێكس پەیامێكی بڵاوكردووەتەوەو ئاماژە بەوەدەكات، پشتیوانی سەرژمێریی گشتی دەكەن و نووسیویەتی: پرۆسەی سەرژمێری هەنگاوێکی گرنگە بۆ دەستخستنی زانیاریی ورد کە ڕۆڵی هەبێت لە داڕشتنی نەخشەی ستراتیژییەتی سیاسی و ئابووری و گەشەپێدانی چالاک.

رۆمانۆوسکی دەشڵێت ئێمە پشتیوانی ئەو هەنگاوە مەزنە دەکەین بەرەو وەرگرتنی بڕیار لەسەر بنەمای زانیارییەکان لەلایەن حکومەتی عێراق، بۆ پێشکەشکردنی خزمەتگوزاری بە گەلی عێراق.